Cáritas Tui-Vigo: Construíndo pontes de integración a través da lingua e da cultura galega

En Cáritas Diocesana de Tui-Vigo, cremos firmemente no poder da integración e traballamos día a día para crear espazos que fomenten a confianza, o coñecemento mutuo e o valor incalculable da diversidade na nosa sociedade.

Unha das nosas actividades para lograr este fin, froito dun convenio entre a Consellería de Cultura, Lingua e Xuventude da Xunta de Galicia e Cáritas Federadas de Galicia, son os Cursos de Introdución á Lingua e Cultura Galegas. Estes cursos teñen un obxectivo claro e fundamental: promover un mellor arraigamento e un forte sentimento de pertenza a través da aprendizaxe da lingua da nosa terra.

Que ofrecen estes cursos?

Están deseñados especificamente para persoas migrantes que desexan aprender o galego desde cero. Non só se aprende o idioma, senón que tamén se adquiren ferramentas esenciais para a vida cotiá:

• Coñecer expresións comúns.

• Practicar a comunicación oral e escrita.

• Achegarse e gozar da riqueza cultural de Galicia.

Un éxito que segue a crecer.

A semana pasada, tivemos o pracer de celebrar a segunda edición destes cursos, que se impartiu en horario de mañá e contou coa entusiasta participación de 14 persoas. Foi unha experiencia enriquecedora para todos, que reafirma a importancia destas iniciativas.

E ¡atención! Xa temos previstas outras edicións:

🗓️ Do 3 ao 24 de setembro, os mércores e xoves.

🗓️ Do 27 de setembro ao 25 de outubro, todos os sábados.

En total, só os cursos en Vigo terán unha participación aproximada de 60 persoas. Tamén se realizarán máis cursos nas Cáritas Parroquiais de Redondela e O Porriño, os cales reunirán 15 persoas cada un.

Máis ca unha simple aprendizaxe de idioma, estes cursos representan unha verdadeira ponte de integración. Son unha oportunidade marabillosa para conectar coa nosa comunidade, abrazar a nosa cultura e fortalecer os lazos que nos unen.