Vilalba,30 de Xaneiro 2019.- Iniciase o curso de Alfabetización Dixital dirixido a desempregados e desempregadas, de longa duración, con escasa ou nula formación e/ou experiencia laboral, con graves dificultades económicas e sen rede de soporte social, que se atopan en situación de urxencia e exclusión social.
O curso, organizado por Cáritas Diocesana de Mondoñedo-Ferrol, a través da Cáritas Interparroquial de Vilalba, está financiado polo Fondo Social Europeo ao abeiro da convocatoria da Orde do 13 de xuño de 2018 – subvencións a entidades de iniciativa social para a promoción de actuacións de servizos sociais comunitarios e inclusión social para os anos 2018, 2019 e 2020 da Xunta de Galicia.